EGUNEROKO NORMALTASUN DEMOKRATIKOA ALDEBAKARTASUNAREN LURRALDE MIRESGARRIAN...

'Bateragune auzia'

Giltzapean edukiko dituzte,

 «interes publikoa» babesteko

 

'Bateragune auziko' mamiari buruz erabaki bitartean, bost zigortuak aske ez uztea erabaki bu Auzitegi Konstituzionalak

Ez du eperik muinari buruz erabakitzeko, eta Konstituzionalak ez du presarik

 

EH Bildu: 

«Oker dabil Espainia 

bake egoera zapuztu nahian»

Barrenak salatu du «erabat politikoa» dela Konstituzionalak 'Bateragune auzian' hartu duen erabakia, «PPk eta PSOEk babestua»

Auzitegien erabakiak «errespetatu» beharra nabarmendu dute PSE-EEk, PPk eta UPDk

Urriaren 17an

 hasiko da

 'herriko tabernen' auziko epaiketa

 

Ezker abertzaleko 40 lagun epaiketara bidean dira, 'herriko tabernen' bitartez ETA finantzatzea egotzita.

Berria.info   2013-06-05 - 14:46:19

Motzean

• Muret Seysses espetxeko euskal presoek borroka amaitu dute, Itziar Moreno espetxez mugitu ostean.

• Borja Semper PPko bozeramailearen hitzetan "iraingarria" da orain Legebiltzarrak urriaren 25eko jaiegunaz eztabaidan "denbora galtzea".

LIKIDAZIO ETA ERRENDIZIO BATEN KRONOLOGIA LOTSAGARRIA

(eta hau guztia antolatu zutenak oraindik preso daude,

 atera kontuak nolako bake prozesua!!!)

2009

•2009-10-13. Arnaldo Otegi, Rafa Diez, Rufi Etxeberria, Sonia Jacinto, Arkaitz Rodriguez, Miren Zabaleta, Txelui Moreno, Amaia Esnal, Mañel Serra eta Ainara Oiz atxilotu zituzten.

•2009-10-16. Otegi, Diez, Jacinto, Rodriguez eta Zabaleta kartzelatzeko agindu zuen Garzon epaileak. Etxeberria eta Oiz aske utzi zituen. Moreno, Esnal eta Serrari hamarna mila euroko bermea ezarri zien libre geratu ahal izateko.

•2009-10-17. Operazioaren aurkako manifestazio jendetsua egin zen Donostian, ELA, LAB, ESK, EILAS, EHNE eta Hiru sindikatuek deituta.

•2009-11-08. Prozesu demokratikoaren alde idatzitako gutunaren berri eman zuten bost zigortuek, kartzelatik. «Fase berrian, estrategia eta tresna berriak behar dira, ezinbestean», adierazi zuten.

•2009-11-14. Ezker abertzaleak agerraldia egin zuen Altsasun. Prozesua garatzeko, «soilik bide politiko eta demokratikoak» erabiltzearen alde agertu zen.

2010

•2010-02-14. Zutik Euskal Herria agiria kaleratu zuen ezker abertzaleak.

•2010-04-26. Auzitegi Nazionalak Rafa Diez aske utzi zuen, 30.000 euroko bermepean.

•2010-06-27. EArekin itun estrategikoa sinatu zuen ezker abertzaleak, Euskal Estatuaren bila.

•2010-09-27. Gernikako Akordioa sinatu zuten.

•2010-11-27. Ezker abertzaleko 300dik gora lagun bildu ziren Iruñean, alderdi politiko berriaren oinarriak ezagutarazteko.

2011

•2011-01-08. ETAk su-eten egiaztagarri, iraunkor eta orokorra aldarrikatu zuen.
•2011-02-07. Sortu alderdia aurkeztu zuen ezker abertzaleak. Indarkeria irmo errefusatuta.

•2011ko maiatza. Bilduk udal eta foru hauteskundeetan parte hartu zuen lehenengoz. Gipuzkoan ezker abertzaleak, EAk Alternatibak eta Aralarrek osatutako koalizioa izan zen nagusi.

•2011-06-27. Bateraguneko epaiketa hasi zen. Euren apustua bide soilik politiko, baketsu eta demokratikoen aldekoa izan dela esan zuten akusatuek.

•2011-09-16. Otegiri, Diezi, Jacintori, Rodriguezi eta Zabaletari kartzela zigorra ezarri zien Auzitegi Nazionak. Esnal, Moreno eta Serra absolbitu zituen.

•2011-10-20. ETAk jakinarazi zuen bere jardun armatua betiko amaitutzat ematen zuela.

2012

•2012-05-10. Jarritako zigor epaia berretsi zuen Gorenak.

•2012-06-23. Gorenaren erabakiaren aurka helegitea aurkeztu zuten Auzitegi Konstituzionalean Bateraguneko zigortuek.

2013

•2013-05-09. Konstituzionalak ia urtebete geroago onartu zuen helegitea tramiterako.