LEHEN ORRIALDEA

Euskal Iraultza Sozialistaren bidean...



Aupa denok! Ongi etorri!

Blog honen helburua Euskal Iraultza Sozialistaz gogoeta eta eztabaida egitea da.
Karl Marx militante komunista iraultzailearen esaldi maiteen bidean kokatzen gara:
"De omnibus dubitandum" : "Guztia zalantzan jarri"
"Nihil humanum a me alienum puto": "Humanoa den ezer, ez dut arrotzat jotzen".

Iritzi eta gogoeta guztiak, ados egon ala ez, ongi etorriak dira, adimen kolektiboa eztabaidatuz eraikitzen baita.
Baldintza bakarra: irainak eta zakarkeriak ez erabiltzea, eta eztabaida datuz eta dataz, arrazoiz zein argudioz egitea, jendetasunez eta adeitasunez.
Oroz gainetik, geure egiten dugu XVI. mendeko komunista iraultzaileen oihua:

OMNIA SUNT COMMUNIA!!!

2012/10/15

AHTrik ez! (1)

AHTrik EZ!

ABIADURA HANDIKO TRISKANTZA

(1)

 

URRIAren 27an , BAIONAN, 

AHTren aurkako MANIFESTAZIOA

Erabakiak hartzeko tenorean mobiliza gaitezen
 
Trenbideei buruzko elkarrizketek erabaki dute AHTen garaipena berrikustea eta hasiak ez diren egitasmoak gelditzea, lehentasuna tokiko trenbideei emaiteko. Estatu Frantseseko kontuzainek oroitarazten dute azpiegitura hauek emankorrak izan behar direla zeren eta inbertsio zein inbeztizamendu publikoak azkarki haunditu eta emendatuko dira ondoko urteetan. Estatu Frantseko finantzek ezin dute holakorik bere gain hartzen ahal.

Gobernu frantsesa zalantzan dago bere hautuetan
 
"Laster deituko dugu lantalde bat jakiteko zein egitasmori eman behar zaion lehentasuna eta zehazteko finanzamendu ahalmenak". 
(F. Cuvillier Frantziako Garraio ministroa).

"Egitasmo zoinbatzuk baztertu beharko dira, gobernuak ez du beste hauturik. Galdegina da ea balio duen luzatzea trenbide berri bat denbora gutti irabazteko edo tokiko trenbideak mantentzea". 
 (J.Cahuzac Aurrekontu ministroa)

Krisia hor izanik ere gure borroka irabazia ote da? EZ !

Ez dezagun gure geroa txikitzailen eskuetan utzi!
 
Emankortasunak eta finantzamenduak AHTa gibelatzen ahal dute baina gure mobilizazioak bakarrik geldiaraziko du suntsigarri eta beharrezkoa ez den egitasmo txikitzaile hau !

Denak Baionan Urriaren 27an!
Arratsaldeko 3tan Lauga gela aitzinean

Antolatzaileak: Collectif des Associations de Défense de l’Environnement (CADE), ADIRH, Non aux voies nouvelles LGV, ACE Hendaye, Ahetze, Arbonne, Arcangues-Bassussarry Vie et patrimoine, Collectif Ascain LGV ni ici ni ailleurs, AHTri Ez Senpere, ATTAC Landes, ATTAC Pays Basque, Biriatou, Comité de défense de la D22, LAB, Mouguerre Cadre de Vie, Nivelle-Bidassoa, Saint-Pierre d’Irube Cadre de Vie, Association Riverains du Seignanx, LGV Bénesse Maremne, Sepanso, Collectif les barthes Tarnos, Biarritz pour les voies existantes, Ustaritz Défendre l’Environnement, Villefranque Cadre de Vie, ACCRiL, BIZI!, AHT GELDITU Elkarlana.



 
AHTren aurkako baraualdiak egingo dira Bizkaian, Gipuzkoan eta Nafarroan

AHTaren aurka antolatu den baraualdiaren kartela


Azaroaren 10etik abenduaren 1era eginen dira AHTren aurkako baraualdiak, Europako Kapitalismoak oro har eta Euskal Herriko Burgesiek bereziki hotzez eta haginez bultzatzen duten egitasko txikitzaile eta suntsitzaile honek “platerak hutsik uzten dituela” aldarrikatzeko, Mugitu! kolektiboko kideen ekimenez. 


Bizkaia, Gipuzkoa eta Nafarroan barau “desobedienteak” eramanen ditu aurrera AHTren aurkako Mugitu! mugimenduak. Herrialde bakoitzak asteburu bat hartuta, azaroaren 10ean hasi eta abenduaren 1ean amaituko da ekimena. Baraualdiaz gain beste hainbat ekintza ere antolatuko dituzte.

Mugitu! mugimenduak, bertan parte hartu nahi duen oro gonbidatu du ekimen honetara: “AHTren inposaketari aurre egiteko borrokan ahalik eta parte hartze zabalena bultzatu nahi dugu”. Tresna “desobedientzia zibila” dela aipatuta, jendarteko talde zein sektore gehienek parte hartzea lortu nahi dute. AHTk ekonomia, ingurumena eta jendartea kaltetzen dituela kontuan hartuta, gai anitzei buruz jardungo direla adierazi du mugimenduak.

Lurmalko. 

AHTren aurkako barauaren lekukoa

 
 
AHTren aurka azaroaren 10etik abenduaren 1era egingo ditugun aste beteko hiru baraualdietan Bizkaia, Gipuzkoa eta Nafarroako jendearen artean txanda emateko lekukoa bezala erabiltzeko Juan Gorriti eskultore eta artisauak Lurmalko eskultura egin du.


iruzkinik ez:

Argitaratu iruzkina