AZAROAren 14an, GREBA OROKORRA

 

AZAROAren 14an,

GREBA OROKORRA 
EUSKAL HERRIAN
 ETA EUROPA OSOAN!!!

URRIAREN 31tik AITZINA:

 BORROKA EGUNAK!!!

  

 

 

AZAROAK 14 

GREBA OROKORRA EUSKAL HERRIAN,

GREBA OROKORRA EUROPA OSOAN!!! 

ELAk, LABek eta EILASek ere

UKO EGIN DIOTE GREBARI!!!

NORA DOAZ SINDIKATU HAUEK?

EUSKAL LANGILEOK  :

BEREN JARRERA LOTSAGARRIA ONARTUKO DUGU?

CNTk, CGTk eta ESKk GREBA OROKORRA BULTZATZEN DUTE!!!

  JO TA KE

KAPITALISMOA SUNTSITU ARTE!!! 

IRAULTZA DA BIDE BAKARRA!

 

Azaroaren 14an euskal langileok bertze hitzordu garrantzitsua dugu: GREBA OROKORRA!

 Irailaren 26ko greba Araban, Bizkaian, Gipuzkoan eta Nafarroa Garaian egin genuen, bai, bainan aldi berean Greziako Herri Langileak ere, kalera jo zuen bere borroka heroikoan aitzina jotzeko. Europako Herri Langileak hamarkadetako lozorrotik esnatzen ari dira, "Ongizate Estatuak" masiboki emandako anestesia erreformista eta indibidualista gainditzen ari gara, eta borrokak koordinatzen hasiak dira. Europa kapitalista eta inperialistako oligarkia genozida guztiak ZORROZKI koordinatzen badira, maila politikoan, ekonomikoan, kulturalean eta militarrean, bistan da langileok ere batera jo behar dugula burgesia hiltzaile era terrorista suntsitzeko, behin betikotz, Historiaren zakarrontzirat igortzeko, faraoi, mandarin, enperadore, errege-erregin, zaldun, jauntxo feudal eta aristokratekin batera.

Oraingo honetan, badakigu Greba Orokorra eta borroka eguna izanen dela EUSKAL HERRIAn, Portugalen, Katalunian, Galizan, Espainian, Frantzian, Kanarietan, Grezian, Okzitanian, Bretainian, Italian, Zipren, Maltan ... Alemanian ere apika... Eta nork daki? Agian GREBA OROKORRA izanen dugu EUROPA OSOAN! Aurrera langileria! Gogor jo dezagun Kapitalismoaren aurka eta Sozialismoaren alde!

  Pasa den astean jakin genuenARGIA aldizkariaren bidez: 

"Frantziako bost sindikatuk bat egin dute azaroaren 14ko greba deialdiarekin. CFDT, CGT, FSU, Solidaires eta UNSA dira murrizketen aurkako Europako egunean mobilizatuko diren erakundeak. Egun horretan bertan, Portugalen, Espainian eta Grezian greba orokorrak deituta daude eta Zipren, Maltan eta Italian ere antzeko asmoa daukate sindikatuek.

Frantziako bost sindikatuek adierazi dute “Europa hartzen ari den erabakiak, geldialdia eta atzeraldi ekonomikoa” bultzatzen dutela. Argitara eman duten komunikatu bateratuan agintari europarren erabakiak gaitzetsi dituzte, injustiziak eragiten dituztelako eta dauden desoreka ekonomikoak handitzen dituztelako. 

Bestalde, jakinarazpenean esan dutenez, Europako politika ekonomikoen benetako koordinazioa eta elkartasun-ekintza zehatzak beharrezkoak dira, baita Europa osorako “gizarte kontratu” bat ere, errekuperazio ekonomikoa has dadin."

Zorigaitzez, Estatu Frantseseko sindikatu hauek ez dute Graba Orororrera deitu, baizik eta borroka eta mobilizazio egun batera. Beraz, Lapurdin, Baxenafarroan eta Zuberoan, zorigaitzez, ez da Greba Orokorrik izanen, kontuan hartzen badugu LABek uko egin diola Greba Orokorra egiteari.

Euskal sindikatuek beren jarrerak argitu dituzte egunotan: ELAk, LABek, EILASek eta Hiruk Greba Orokorra ez dute bultzatuko, hau da, GREBA OROKORRA BOIKOTATUKO DUTE! Jarrera lotsagarri eta eskandalagari honetaz bertze artikulu bat prestatzen ari gara, gaia behar bezala jorratzeko. ESKk, aldiz, eta txalogarria da, Greba Orokorraren alde egitea erabaki du, CNTk eta CGTk bezala.  

Gu Greba Orokorraren alde ari gara, argi eta garbi, zuzen eta ozen! Eta orain inoiz baino ozenkiago, honezkero ez baitago aitzakia "abertzalerik". Hau da, greba ez da espainola edota frantsesa, greba internazionala da, Grezia, Portugal, Italia, Zipre, Malta ere sartu direlakotz. Marko estatalak gainditzen ari gara eta nazioarteko greba orokorren garaian sartzen ari gara, zorionez. Aurrera, beraz!

ZERTAN ARI DA 

         EUSKAL GEHIENGO SINDIKALA? 

GARBI DAGO: MERITUAK EGITEN BURGESIA BASKOAREN AURREAN, BALIZKO ESTATU BASKO HORRETAN BEREN LEKUTXOA SEGURTZATZEKO...

 PNV ETA EHBILDUREN MORROI SINDIKAL BIHURTU DIRA, ARGI ETA GARBI!

 Egoera eta testuinguru honetan, ESKANDALAGARRIA da euskal gehiengo sindikalaren jarrera DEMAGOGIKO, ERREFORMISTA, INSOLIDARIO ETA ESKIROLA. Aurreko greban aitzindariak izan ginen Europan, Greziako Herri Langilearekin batera, eta orain, zer? Zertan ari dira euskal burokrazia sindikalak? Zertan ari da VIII Biltzarrean Ponentzia Alternatiboa zentsuratu zuèn LABeko zuzendaritza? Badakigu ELA nolakoa den, sindikatu erreformista eta sozialdemokrata, baina LAB? Zer bilakatzaen ari da LAB? Noraino segituko dute itsuki Oraingo Ezker Abertzaleak markatzen dion ildo erreformista? Langile abertzaleen sindikatu iraultzaile bezala EZ AL DA SUIZIDATZEN ARI? NOREN MESEDETAN? EHBILDUko POLITIKERO  BURGES-TXIKI SOZIALDEMOKRATA LIKIDAZIONISTEN ALDE? ZERTARAKO?  ZEREN TRUKE? 

Kasu horretan Euskal Herri Langilearen sektore iraultzaileenak langileen antolakunde nazional berri bat eraiki behar dugu, berandu baino lehen. 

Blog honetatik deialdi ozen, larri eta berezia egiten diogu LABeko militantzia eta afiliazio osoari: 

MUGI ZAITEZTE, OTOI, ZUEN SINDIKATUAREN BAITAN, GREBA OROKORRA EGITEKO! EZ EMAN AMORE LABeko BUROKRAZIA SINDIKAL ERREFORMISTAREN AITZINEAN!

BULTZA EZAZUE ILDO IRAULTZAILEA LABen BAITAN, INDEPENDENTZIA ETA SOZIALISMOAREN ALDEKO BORROKAN, EUSKAL ERREPUBLIKA SOZIALISTAREN BIDEAN, EUSKAL IRAULTZA SOZIALISTAREN ALDE!

EZ UTZI LAB BILAKATZEN ELAren MORROI ETA APENDIZE, edota EHBILDUren SATELITE SINDIKAL! EZ ERREPIKATU EUSKADIKO EZKERRAkoek LABekin EGIN NAHI ZUTENA: EUSKAL LANGILEEN SINDIKATU IRAULTZAILEA ERE SISTEMAN INTEGRATZEA, HAIEN TRAIZIOA HOBEKI ESTALTZEKO! EZ UTZI EUSKAL LANGILE ABERTZALE ETA IRAULTZAILEEN SINDIKATUA MARIO ONAINDIA ETA BANDRES BERRIEN ESKUETAN!!!

  Astebete dugu oraingo Greba Orokorra prestatzeko, eta biderik hoberena, heldu den astean bertan borroka egunak hastea da, eskura dugun guztiarekin: hitzaldiak, batzarrak, kartelak, eskuorriak, pintadak, eta abar luze eta borrokalari bat ...

 Kapitalaren Diktaduraren aurka, Merkatuen Tiraniaren kontra! Greba honetan sindikatu erreformista guztien epelkeriak eta txepelkeriak gainditzen saiatu behar dugu; Iraultza Sozialistaren alde! Euskal Errepublika Sozialistaren bidean! Argiro erran eta azaldu Euskal Herri Langileari Kapitalismoaren baitan ez dagoela krisi honetan irtetzerik, ez langileon mesedetan, jakina! Kapitalismo Inperialistak gerrak, sarraskiak, miseria, zapalkuntza, errepresioa, tortura, etnozidioa, arrazismoa, bortxakeria matxista, ekozidioa, esplotazioa, bertzerik ez duela ekarriko adierazi behar diegu geure lankideei. Sasidemokrazia burgesak, sistema parlamentario ustela, partidukrazia, politiko profesionalen mafia, hori guztia suntsitu behar dugu behin betikotz, eta Herri Boterea eraiki, Langileon Biltzarren Boterea, Errepublika Sozialista! Iraultza da bide bakarra! Iraultza komunista eta antikapitalista!

 Greba hau urrats bat izanen da Euskal Errepublika Sozialistaren bidean, Independentzia Sozialistaren bidean, Langileon Euskal Herriaren bidean. 

 Aurreko greban eran genuen bezala: "Greba Orokorra borroka dinamika iraunkor baten hasiera izan behar da. Ezin gara defentsiban egon, behialako Ongizate Estatuaren lorpenak berreskuratu nahian. Kapitalismo Inperialistaren ofentsiba basatiaren aurrean, Iraultza Sozialista da bide bakarra. Kapitalaren logikak, bere metatze-beharrek agindu eta agintzen dute langileon eskubideen kontrako ofentsiba basati eta mugagabe hau. Eta Kapitalaren boterea hautsi gabe, ez dago eraso hauek gelditzerik. Kontrakoa dioena gezurretan ari da, Euskal Langileria engainatu eta anestesiatu nahian.

Horregatik, dei berezia egiten diegu euskal langileei sindikatu erreformisten leloak gainditzeko: “Euskal Herrian murrizketarik ez!”, “Zerbitzu publikoak garatu!”, “Por los derechos laborales y sociales”, “Madrildik inposatu nahi dizkiguten murrizketen kontra”  bezalako esloganak, berez, ez dira erabat kaltegarriak, estrategia iraultzaile eta antikapitalista baten bidean kokatzen diren heinean. Bainan horretara mugatzen bagara, desegokiak ditugu, ilusio faltsuak sortzen dituztelakotz. Kapitalaren eraso frontala gelditzeko bide bakarra dugu: Iraultza Sozialista!

Kapitalismoaren baitan ez dago langileontzako irtenbide onik. Inperialismo kapitalistak emanen digun bakarra, gerra, miseria eta zapalkuntza dira. Kasu! Inperialismo kapitalista esan dugu, eta ez PPko gobernua, PSOEkoa, UPNkoa edota PNVkoa. Alderdi horiek guztiak burgesak dira, eta Kapitalaren programa politiko eta ekonomikoa aplikatuko dute, Burgesiaren Diktaduraren alde baitaude. Formetan eta ñabarduretan desberdinak ematen dute, detailetan “diferente” izaten saiatzen dira, batzuk espainolistak dira, bertzeak baskoak, baina funtsean den-denek Burgesiaren Diktadura onartu eta defenditzen dute. Diktadura, langileendako; Demokrazia burgesendako, jakina.

Horregatik, lelo eta eslogan iraultzaileak ere oihukatu behar ditugu: “Kapitalismoa suntsitu!”, “Iraultza da bide bakarra!”, “Sozialismoa, irtenbidea!”, “Zuek kapitalistak, zarete terroristak!”, “Euskal Errepublika Sozialista!”, “Así, así, ni un paso atrás, contra el terrorismo del Gran Capital!”, eta bertze holako aunitz.
  

Eta zer esan orain arte EH Bilduri buruz? Kapitalaren logika eta diktaduraren aurka jotzen ez duten heinean, Iraultza Sozialistaren alde borrokatzen ez diren neurrian, Euskal Herri Langilea ilusio eta lilura erreformista eta instituzionalisten bidez lokartzen duten proportzioan, PNVko burgesia autonomista baskoarekin paktatu nahi duten heinean, haiek ere Kapitalismo Inperialistaren baitan kokatzen ari dira, gero eta argiago egunetik egunera. Ez dute Kapitalismoa suntsitu nahi, bainan “ezkerretik” “bestelako” ekonomia eredua kudeatu; ez dute Euskal Errepublika Sozialista nahi, baizik eta “Euskal Estatu librea”, hau da, Estatu basko burgesa, Irlandan 1921ean bezala, “The Irish Free State”, honek ekarri zuèn guztiarekin; ez dute OTANetik, Eurotik eta Europar Batasun Inperialistatik irten nahi, bainan Europan “Estatu berri bat” sortu, Katalunia eta Eskoziako burges txikiekin batera, “Nazioarteko Komunitatearen” onespenarekin, hots, Inperialismo anglo-saxoi eta sionistaren balizko babesean, nolabaiteko Kosovo berriak; ez dute Euskal Iraultza Sozialista nahi, bainan “aldaketa sozial eta politikoa”, eta horrelako hamaika adibide. Euskal Langileria engainatu nahi dute beren diskurtso erreformista eta sozialdemokratarekin, gero PNVko burgesia baskoaren besoetara lasterka joateko, “batasun nazionalaren” izenean. Mendebaldeko azken hauteskunde erregionalista espainoletan ez dira hain ongi ibili, uste zuten baino bozka kopuru ttikiagoa bildu dute, euskal erreformisten gainbehera hasia da, Katalunian ERCrekin agitu zen bezala, eta han gertatu zen legez, hemen ere "burgesia baskoak" hartuko ditu emaitzak: Katalunian CiUk, eta Euskal Herriko Mendebaldean PNVk.

 

Dei bat egin nahi diegu idazki hau irakurriko duzuen guztiei: antola zaitezte! elkar zaitezte! organiza zaitezte! Bete dezagun Euskal Herria iraultzaileon sareez! Herriz herri eta auzoz auzo, eraiki dezagun euskal iraultzaileon antolakunde nazionala! Eraiki dezagun Euskal Herri Langilearen batasuna! Jo dezagun zuzen eta gogor Euskal Iraultza Sozialistaren bidetik!

 

  Zabaldu dei hau zuen inguruan, euskal sindikatuetan oinarri langilearen presioa areagotzeko bertze Greba Orokor baten alde, eta haratago, lantegietan, fabriketan, eskoletan, lantoki guztietan langileok eraiki dezagun estrategia bat, Greba orokor mugagabe iraultzailearen bidean. Bistan da, borroka-urte luzeak ditugu aitzinean helburu hori erdiesteko, bainan iparra garbi badugu, jo dezagun aurrera! Eta gure iparra, gure izarra, argi dugu: klaserik gabeko Euskal Herri euskalduna, hau da, Lur planetako Herri Langileen Konfederazio Komunista! Anartean, Estatuari eta Kapitalismoari gerra, gerra beti! Klaseen arteko gerra Herrien arteko bakea eskuratzeko! Zapalkuntza Inperialistari, gerra! Zapaldu guztiondako, elkartasuna eta bakea! Zapaltzaile guztiendako,  gerra, herra eta egurra lehertu artio!

  

 GORA EUSKAL LANGILERIA!

GORA EUSKAL IRAULTZA SOZIALISTA!

EUSKAL ERREPUBLIKA SOZIALISTA,

KOMUNISMOAREN BIDEAN!

 

JOTAKE

KAPITALISMOA SUNTSITU ARTE!!!