KOMITE INTERNAZIONALISTEN AGIRIA
Hurrengo asteazkenean, azaroak 14,
Europa mailan mobilizazio egunerako deialdiaren baitan, hainbat Herritan
(Grezia, Milan, Portugal, Espainar Estatua…) Greba Orokorrak egingo
dira. Mobilizazio hauek krisi egoera aitzakia hartuta Kapitalismoa
bultzatzen ari den politika antisozialei erantzuteko burutuko dira,
jakina zenez.
Euskal Herrian irailaren 26an Greba Orokorra egin genuen zenbait euskal sindikaturen deialdiari erantzunez. Hilabete ondoren sindikatu hauetako gehienak
ez dira deialdira gehitu, agenda propioaren beharra eta fase
eraikitzaile batean sartzearena aipatuz. 26ko greban parte hartu zuten
beste zenbait sindikatuk, ordea, Grebarako deialdia luzatu dute
oraingoan ere.
Argi dago Euskal Herriko egoera
sozio-ekonomikoa larria dela, pobrezia, langabezia eta prekarietate
maila altuek adierazten dutenez. Ados gaude euskaldunon esku egon behar
duela gure Herria kolpatzen duten erasoen aurkako borrokak. Hala ere,
guztiz beharrezko ikusten dugu aipaturiko Herriekin bat egitea,
kapitalismoak denok kolpatzen gaituen heinean.
Beraz, langile borroka Herri ikuspuntutik azaltzea beharrezko jotzen badugu ere, ulertezina
deritzogu honek borroka sindikala mugatzea.
Hala, lehenik eta behin, asteazkenean
Euskal Herrian Grebara joateko deialdia zabaldu nahi dugu, mila
arrazoirekin aurre egiteko egoerari. Bestalde, etorkizunean Greba
deialdi bateratuak egitera deitu nahi ditugu sindikatuak, Herri Langilearen defentsarako. Azkenik, Euskal Herritarrak haien borroka eta
alternatiba sorkuntzetan irmo jarraitzera animatu nahi ditugu.
Gora munduko Langileria!
Kapitalismoaren aurrean, mundu guztia zutik!
A 14 Euskal Herriak Greba Orokorra!
iruzkinik ez:
Argitaratu iruzkina