SEVILLAKO PRESOAK GOSE GREBAN!!!

2013-03-26  ETXERAT

Sevillan dauden euskal preso politikoak gose greban, Bellonek jasotako jipoi baten ostean.

Sevillako espetxean dauden euskal preso politikoak gose greban daude, espetxean izandako gertaera batzuen ostean. Pasa den asteburuan hasi ziren lehen arazoak Sevillan, izan ere, bisita normalak zituzten senide eta lagunak miatzen saiatu ziren funtzionarioak. Hiru senide eta lagun ukatu egin ziren miaketa hauek jasatera, zeren bisitak kristalarekin ziren, eta ez zuten inongo kontakturik izango presoekin. Beraz, hiru senide eta lagun bisitarik gabe gelditu ziren. Zuzendariarekin bilkura eskatu zuten presoek, eta Madrileko agindua zela esan zieten.

Gainera, atzo Sevillan dauden euskal preso politikoak itxialdi bat burutzen ari ziren euren ziegetan, Xabier Aranburuk Muret Seyssesen bizi behar izan zuen egoera salatzeko. Egoera hau aprobetxatuz, funtzionarioak Arkaitz Bellon elorriarraren ziegan sartu ziren eta miaketa oso zorrotza egin zioten. Bera ere miatu zuten, ukimenezko miaketa zorrotz bat egin nahi zioten. Eta honen aurrean planto egitea erabaki zuen Bellonek. Bellon ukatzean, funtzionarioek izugarrizko jipoia eman zioten eta isolamendura eraman zuten.

Gertaera honen aurrean, bertan dauden beste euskal preso politikoek gose greba bat hastea erabaki dute. Batetik, bere kideek ez dakitelako Belloni buruzko ezer eta bestetik egoera hau salatzeko. Gainera, zuzendari ordearekin ere bildu dira egoera salatu eta azalpenak eskatzeko.

Beste behin, gure senide eta lagunen aurkako jarrera lotsagarrien aurrean aurkitzen gara. Gure senide eta lagunen eskubideak urratzen dira etengabe espetxeetan, eta gainera, mehatxu eta jipoiak ere jasaten dituzte. Etengabekoak dira gure senide eta lagunen eskubideak errespetatze aldera Euskal Herrian bertan eta Euskal Herritik kanpo egin diren eskaerak, eta hau da jasotzen dugun erantzuna. Guztiz onartezina da, eta eskubideen urraketa gogorra da. 

 

 Eta hona hemen HERRIRA mugimenduak egin duen balorazioa:

2013/03/26

Arkaitz Bellon presoa

 jipoitua izan da Sevillako espetxean

Herrira mugimenduak Arkaitz Bellon preso elorrioarrak Sevillako espetxean funtzionarioen eskuetatik jasotako eraso fisiko eta jipoia salatu nahi ditu. Andaluziako espetxe honetan 13 euskal preso politiko daude eta gertakaria Bellonen ziegan egindako erregistro bortizaren baitan eman zen.

Azken bi astetan tankera honetako hiru albiste iritsi zaizkigu Espainia eta Frantziako espetxetatik. Xabier Aranburu ondarrutarrak golpe ugari eta umiliazio saiakerak pairatu zituen Mureten. Erabat biluzik izan zuten zigor ziegan eta ur hotzarekin indarrez dutxatu ondoren, sikatzeko toallak ukatu zizkioten. Espainian, Bellonekin gertatutakoaz gain, Oskar Barreras bilbotarrak ukabilkada gogorra jaso zuen Puerto III-n.

Albiste hauek orokortasunean du oinarri. Eskandalugarria da euskal jendartearen gehiengoak sufrimendua eta giza eskubideen urraketak behin betiko atzean utzi nahi dituenean, espetxetatik datozen berriek milaka euskal herritarrek bihotzak apurtzen dituzte.

Sufrimendu eta giza eskubide urraketa guztiekin amaitu beharra dago. Hortaz, ezinbestekoa da egunero 600 euskal presoen bizitzak arbitrarietate maltzur eta bortitz baten eskuetan uzten dituen eta astebururo milaka pertsonen integritatea arriskuan jartzen dituen espetxe politika anker honekin amaitzea.

Euskal jendartearen gehiengo erraldoi batek soluzioak eskatzen ditu, giza eskubide guztien errespetua, elkarlanerako espazioak abiaraztea eta bakean eta konponbidean aurrrera urratsak ematea. Eta bide horretan, indarrean dagoen espetxe politika eta bere ondorioz lazgarri guztien amaiera exijitzen du. Herrirak helburu horren mesedetan atsedenik gabe egiten du lan, aktibazio sozialik zabalena ahalbidetzen duten ekimenak eta iniziatibak abiaraziz.

Mila esker

Herrira

Geroago eginen ditut eraso lazgarri honi buruzko gogoetak... Orain sobera hunkituta nago...

AMNISTIARIK GABE, BAKERIK EZ!!!

BORROKA DA BIDE BAKARRA!!!

PRESOAK KALERA, AMNISTIA OSOA!!!  






AZKEN ORDUKO OHARRA:

Oraintxe bertan jakin dugu, ETXERAT elkarteko weborriaren bidez, Sevillako euskal preso poltikoek gose grena bertan behera utzi dutela. Honako hau da informazioa: 

2013-03-26

Sevillan dauden euskal preso politikoek gose greba amaitutzat eman dute.

Gaur Etxeratek jakinarazi duen bezala, Sevillan dauden euskal preso politikoek gose greba bat hasi dute Arkaitz Bellon kideak jasotako jipoia eta bere berririk ez izatea salatzeko. Bainan, azken berrien arabera gose greba amaitutzat eman dute, Arkaitz Bellon elorriarra beraiekin batera modulura eraman dutelako.

  

Geroko uzten dut afera honen balorazioa, artikulu honetan bertan eginen dudana. Albiste gehiago izanez gero, hemen bertan argitaratuko ditut. Izan ongi, lagunok!