PNVren diskrezioa eta PPren neofrankismoa aldebakartasunaren lurralde miresgarrian...

PRESOAK ETXERA?

ALDEBAKARTASUNAREN MIXERIAK...



BASQUE PEACE PROCESS IN WONDERLAND:

"IT'S AMAZING, MAN, 
THE WAR IS OVER FOR THEM, 
BUT NOT FOR US,
ARRIBA ESPAÑA !!! "

 

Presoen gaian

 Rajoyk ez du pausorik emateko asmorik,

 Urkulluk hala eskatu arren

 

Lander Arbelaitz

2013-04-29

Presoen gerturatzeaz ere hitz egin zuten Urkulluk eta Rajoyk joan den apirilaren 10ean egin zuten bileran, asteburuan EuropaPressek iturri jeltzale eta popularrak aipatuz zabaldu duenez.

EAEko lehendakariak euskal presoen aferan pausoak emateko eskatu zion, Madrilen inmobilismoa baliatuz “Ezker Abertzalea biktimismoa egiten ari baita” Urkulluren ustez. Rajoyk dena entzun bai, baina ez zuen aldaketarik hitz eman.

Iñigo Urkullu eta Mariano Rajoyren arteko “bilera diskretuan” presoen gaian pausoak eman ditzan eskatu zuen lehendakariak. Presoak Euskal Herriko kartzeletara edo inguruan daudenetara hurbiltzeko plan bat osa zezala eskatu zion, edo hirugarren graduak onar ditzala eta preso gaixoak aska ditzala, bereziki larrien daudenak.

PP ez dago gai honetan pausorik emateko prest, EuropaPressek iturri popularrak aipatuz argitaratu duenez. “Ez behintzat ETAk existitzeari utzi eta presoek damu minimo bat erakusten ez duten bitartean”.

Rajoyren gobernuari eta PPri arazoak ekarri zizkion Josu Uribetxeberria askatzeak, albiste agentziak dioenez. Honen ondorioz, Langraitz Bidea hautatu duten presoei ere ez diete onurarik onartu orduz geroztik. PP-k AVT biktimen elkarteari hitz eman dio ez dituztela preso gaixoak askatuko Uribetxeberriarekin egin bezala.

EUSKAL PRESOAK

Espetxe politika "epeka" egokitzea

 proposatu dio Urkulluk Rajoyri

 "Bizi dugun errealitatera" egokitutako plan bat aurkeztu dio, baina Eusko Jaurlaritzako lehendakariak aitortu du ez duela erantzunik jaso.

Berria.info   2013-04-29 - 13:44:42

Bilbon hitzaldi bat egin du Iñigo Urkullu Eusko Jaurlaritzako lehendakariak, eta bertan jakinarazi du espetxe politika "epeka" egokitzeko proposamen bat aurkeztu ziola Mariano Rajoy Espainiako Gobernuko presidenteari.

"Egoera berrira" egokitzeko proposamen "zehatza" aurkeztu diola azaldu du gaur Urkulluk. Testuan "bakearen eta bizikidetzaren esparruetan lan egiteko aukeren" inguruan eginiko hausnarketak jaso ditu Urkulluk.

 Uste du "eman beharreko" urratsak daudela iraganean eragindako oinazearen inguruan, eta erantsi du "gaur egun preso dauden asko" daudela hori egiteko prest. Madrilek, berriz, espetxe politika "malguago" bat ezar dezakeela iritzi dio Urkullluk. 

Aitortu du ez duela Rajoyren erantzunik jaso, baina gaineratu du lanean jarraituko duela.

Halaber, Jaurlaritzako lehendakariak azaldu du ekainean aurkeztuko duela "Bakeari, Giza Eskubideei eta Bizikidetzari buruzko Plan" berria. Plan horrek Oroimenaren eta Bizikidetzaren Institutua sortzeko proposamena jasoko du.

Ezetzari aurre

Pernando Barrena Sortuko bozeramaileak espetxe politikaz eta EAJk horren aurrean duen jarreraz jardun du Radio Euskadin egin dioten elkarrizketan. Esan du "ongi" dagoela PPri esatea espetxe politikan aldaketak behar direla, baina gaineratu du ezekoaren aurrean eskaerak egitetik "haratago" joan beharra dagoela.

HERRIAREN MOBILIZAZIO HANDIEK

 ETA ERAKUTSITAKO

 DETERMINAZIO GOGORRAK

 EKARRI ZUTEN

 JOSU URIBETXEBERRIA ETXERAT,

 ETA BORROKA HORRETAN

 ORAINGO EZKER ABERTZALEAren

ZUZENDARITZAK

   SUHILTZAILEARENA EGIN ZUEN

 ARGI ETA GARBI.

PRESOAK ETXERAT EKARTZEKO

MOBILIZAZIO GOGOR, AUSART

 ETA ERRALDOIAK BEHARKO DIRA,

LEGALITATE

 FRANTSES-ESPAINOL BURGESA

HAUTSIKO ETA BIRRINDUKO DUTENAK,

ORAINGO

 "NORMALITATE SASIDEMOKRATIKO"

USTEL HAU HANKAZ GOITI

PARATUKO DUTENAK, 

DESOBEDIENTZIA ETA INTSUMISIOAREN BIDETIK. 

ETA HONEK

 KOSTO HUMANO

 ETA INSTITUZIONALAK

 UKANEN DITU,

PIPERPOTO

 MONARKIKO-ESPAINOLISTAK 

GURE UDALETXEETATIK

KENTZEAK

EKARRIKO DITUEN BEZALA.

HORRETAN ARITZEKO

 PREST OTE DAGO

ORAINGO EZKER ABERTZALEAREN 

ZUZENDARITZA?

ZEREN ZAIN DAUDE?

ALDEBAKARTASUNA ZER IZAN DA

AZKEN HIRU URTE HAUETAN?

ZEIN IZAN DIRA BERE EMAITZAK?

Hiru urte joan dira "Zutik Euskal Herria" onartu zenetik, eta presoen egoera ez da hobetu, okerrera jo du nabarmen. Bidean hamaika istripu, hiru hildako, horietariko bat hotz-hotzean eraila, Estatu Terrorismoaren ekintza paradigmatiko lazgarria, Espainiak eta Frantziak marra gorri guzti-guztiak zeharkatu dituzte harro-harro eta arazorik gabe... Eta krisi ekonomiko kapitalistaren aitzakiaz, Oligarkia frantximant eta espainolistek, Burgesia alemanaren aginduz, ikaragarrizko erasoa egin dute Euskal Herri Langilearen aurka...

        

Nork bere ondorioak atera ditzala. Eztabaida argitzeko, hona hemen "Zutik Euskal Herria" txosteneko pasarte batzuk. Hiru urte joan dira geroztik, eta Oraingo Ezker Abertzalea instituzio GUZTIETAN daude, goxo-goxo... Noizko desobedientzia zibila, intsumisioa, masa-borroka eraginkorra eta ekinbide politiko-militarra likidatzeko erabili ziren promesa eta espantu guztiak? EIAk ere ez al zuen gauza bera agindu 1981ean? Oroimen historikoa hainbertze galdu orte dugu? Ez al gara oroitzen zer ziren ETA pm, EIA, Euskadiko Ezkerra?

 

Zertan ari dira? Zertan ari gara? Noiz hasiko gara esnatzen?

  

Zutik Euskal Herria

   

"Izan ere, konpromisoaren ordua da. Urratsak egiteko ordua. Eta une honetan, Ezker Abertzaleak jakin badaki gako nagusia ez dela gainerako eragileak zer egiteko prest diren ezagutzeko zain egotea. Gakoa guk geuk egin beharrekoan dago, gure Herriari erantzuteko. Hartara, gure indarrak eta arrazoibideak egoera berriak sortuko ditu, gainerako eragileen jokabidea baldintzatu ahalko dute eta, are garrantzitsuagoa dena Euskal Herria bere buruaren jabe izateko bidean gero eta herri babes handiagoa sortuko dute.

Apustu politiko hau egitea gure erabakia izan da, askapen prozesuan aurrera egiteko bide eraginkorra delako, eta gure herriaren nahiari erantzuten diolako. Gure erabakiek gure borondatearen eta Herri gogoaren ondorio izan behar dute beti, ez beste ezerk behartuta, ez beste inoren borondatearen ez beste ezeren menpekoa.

    

Hitza ematen dugu. Egoera demokratikoa eskuratzeko azken urteotan ereindako itxaropena eta baldintzak ez ditugu galtzen utziko. Urrutira joan gabe, azken boladako herri mobilizazioek garbi erakutsi dute prozesu demokratikoa bitarteko politikoen bidez modu egokian bideratzeko masa kritikoa izan badela. Gainera, Ezker Abertzaleak baiezta dezake beste eragile batzuk, bai Euskal Herrian bai nazioartean, bidaia hau elkarrekin egiteko prest direla, bakoitza bere erabaki propioetatik. Hori dena sendo gara ahal dadin, Ezker Abertzale osoari dagokio baldintzak elikatzea. Ez diogu gure historiari huts egingo. Ez diogu gure Herriari huts egingo.

Eztabaidaren ondorioa da eragiteko molde guztiak fase politiko berriak eskatzen duen apustuaren zerbitzura kokatzea, ziklo berriak eskatzen duen indar metaketaren mesedetan alegia. Beraz, indar metaketaren norabidean masa borroka, borroka instituzionala eta borroka ideologikoa, indar harremanen aldaketa eta nazioarteko babesa bilatzea izango dira prozesu demokratikoaren tresna bakarrak. Herri babesa izango da berme bakarra, eta herri mugimendua akuilurik eraginkorrena.

Soilik bitarteko politiko eta demokratikoak erabiliko dituen ekintza batasunaren eta herri aktibazioaren eraginarekin eraikiko da marko demokratikoa.

 

Prozesu demokratikoa erabateko indarkeriarik eta esku sartzerik gabe garatu behar da, alderdien arteko elkarrizketa eta negoziazioa Mitchell senatariaren printzipioen baitan arautuz. Inork ezingo du indarkeria edo mehatxua erabili alde anitzeko negoziazioaren garapena edo emaitza baldintzatzeko, ezta prozesu horretan erdietsitako akordioa aldatzeko ere.

Prozesu demokratikoak geroz eta antolakuntza, indar metaketa, borroka eta babes herritar handiagoa ekarri behar du berarekin, eta horri guztiari esker tarteko helburuak eta ekimenak bideratu ahalko dira: besteak beste, gutxieneko askatasun demokratikoak eskuratu eta presoen askatasunerako urratsak egin, nazio eraikuntza eta egituraketa arnasberritu, nazioarte mailako ofentsiba politikoa indartu, eta negoziazio politikoari bultzada eman.

Aldaketa politikoari Ezker Abertzaleak aldaketa soziala gehitu nahi dio, elkarlotzea bien berme dela uste baitu. Aldaketa sozialik gabeko aldaketa politikoa hanka-motz geratuko litzateke, eta aldaketa politikorik gabeko aldaketa soziala ezinezkoa da. Beraz, eredu neoliberalak ezartzen duen bidegabekeriari aurre egiteaz gain, aldaketa politikoaren norabide egokia eta herri zein langile sektoreen indar metaketa ere ahalbidetuko lituzke garatu behar dugun ezkerreko borrokak. Sindikalgintzak egin behar duen lan funtsezkoa da. 

Aldaketa soziala nahi dugu ezkerreko independentistok, eta horretarako ezinbestekoa da, besteak beste, herri mugimenduaren, praktika feministaren, hizkuntza eta hezkuntza eredu berrien, kulturgintzaren eta gazte indarraren hauspoa. Apustu politiko honetan aurrera egiteko, etorkizunean Ezker Abertzaleak eremu politiko eta instituzionalean eta, jakina, gatazkaren konponbiderako akordio politiko erabakigarria lortzeko alderdien mahaian ordezkaturik izateko, eragile politiko legal baten beharra izango du. Beraz, prozesu demokratikoan garatu beharreko jardun politiko, mobilizatzaile, ideologiko eta instituzionalean aritzeko berau izango da independentista et sozialista guztien erreferentzia Euskal Herri osoan, dena dela hartzen duen izena eta egitura legala.

Ezker Abertzalea

Euskal Herria, 2010eko otsaila