LANGABEZIA, KAPITALISMOAREN TERRORISMOA LANGILERIAREN AURKA

LANGABEZIA

EUSKAL HERRIAn:

237.243
 BEHARGIN DAUDE

SOLDATAPEKO LANIK GABE!!!

HAU DA BURGESIAREN TERRORISMOA!

HAU DA KAPITALISMOAREN BIOLENTZIA!

HAU DA OLIGARKIAREN 

"KALE BORROKA"  

MAIATZAREN 30ean,

GREBA OROKORRA!!!

KAPITALISMOAREN AURKA,

EUSKAL IRAULTZA SOZIALISTAren ALDE!!!

 

 

%0,7 hazi da langabezia tasa

 batez beste lehen hiru hilabeteetan

Gaindegiak eta INEk gaur jakinarazi dituzte aurtengo lehen hiruhileko langabezia datuak. Gaindegiaren arabera, 237.243 langabetu daude.

Berria.info   2013-04-25 - 10:08:54

Langabezia tasa %0,7 hazi da batez beste Euskal Herrian 2013. urteko lehen hiruhilekoan, gaur Gaindegiak jakinarazi duenez. 237.243 langabe zenbatu dituzte orotara.

Nafarroan hazi da gehien langabe kopurua: 5.400 beharginek galdu dute lana urtarriletik martxora bitartean: %1,9 gehiago. Bizkaian eta Gipuzkoan 2.600 langabe gehiago zeuden herrialde bakoitzean —%0,9 eta %0,7 gehiago, hurrenez hurren—, eta Iparraldean goranzko joeran jarraitzen du langabezia tasak, %11ra iristeraino. Araba da lurralde bakarra langabe gutxiago dituena —3.400 pertsona gehiago ari dira lanean; %1,9 egin du behera langabe tasak, beraz—.

222.700 langabe hegoaldean, INEren arabera

Aurtengo lehen hiru hilabeteetan 222.700 langile inguru zeuden lanik gabe Hego Euskal Herrian, batez beste. 215.400 behargin inguru zeuden lanik gabe 2012ko azken hiru hilabeteetan eta, beraz, 7.300 langile inguruk galdu dute lanpostua batez beste.

Espainiako Estatistika Institutuak hiruhileko langabezia datuak jakinarazi ditu gaur. Martxo amaieran 235.827 pertsona zeuden lanik gabe Hego Euskal Herrian, baina urtarrileko, otsaileko eta martxoko batez besteko datuak eman ditu gaur INEk.

 

Martxo amaierako datuak

 (Espainiako Lan Ministerioa)

Araba. Martxo bukaeran, 28.643 langabe.


Bizkaia. Martxo bukaeran, 100.399 langabe.


Gipuzkoa. Martxo bukaeran, 50.299 langabe.


Nafarroa. Martxo bukaeran, 56.524 langabe.


Hego Euskal Herria:

 Martxo bukaeran, 235.827 langabe.

 

"2007an lehertu zen
 krisi kapitalistaren erdian aurkitzen gara.
 Krisi honen jatorri eta zergatia
 ez dira neoliberalismo
 eta espekulazio finantzieroaren gehiegikeriak, erreformistek 
sinestarazi nahi diguten bezala.

Bizi dugun egoeraren sorburua
 Kapitalaren
 etengabeko metatzearen
 berezko kontraesanak dira.

 Horregatik, 
Kapitalismoaren mugen barnean
 langileok ez dugu irtenbiderik.

 Burgesiak bere irabaziak
 langileen bizkarretik handitu behar ditu,
 eta horretan ari da behin eta berriz.
 Zapalkuntza gero eta gogorragoa izango da."

"Krisi hau globala eta estrukturala da, 

egunero pairatzen ditugu bere ondorioak: 

milaka behargin lanik gabe; 

milaka familia miseria gorrian; 

prekarietatea areagotzea, 

bereziki gazte eta emakumeen artean; 

etxegabetzeak,  eta horien ondorioz suizidioak; 

kaleratzeen mehatxu terrorista patronala; 

soldaten jaitsierak; 

lan eta bizi baldintzen okerragotzea;

 lan istripuak egunero; 

errepresio gero eta gogorragoa mugimendu sozial guztien kontra:

 sindikatuak, langabetuak, gazteak,

denetariko eragile sozialak...; 

eraso inperialistak nonahi; 

ekosistemen suntsitze masiboa..."

"Batzuek sinestarazi nahi digute

 Euskal Estatu (Burges) batek

 krisia konponduko lukeela, 

eta hori gezurra da. 

Langileen Biltzarren boterean
 oinarritutako 

Euskal Errepublika Sozialista baten bidez soilik 

lor dezakegu
 langileok
 geure askatasun nazional eta soziala: Independentzia,
 Sozialismoa,
 Birbatasuna
 eta Berreuskalduntzea.

 Baina helburu hau lortzeko,

 Euskal Langileriak
  bere klase kontzientzia 
 indartu behar du.

 Langileok jakin behar dugu

 geure klase interesak

 eta burgesiarenak

 ANTAGONIKOAK
  direla,
 Burgesia baskoarenak ere bai,

 eta gure eginkizun historikoa dela

 Kapitalismoa suntsitzea

 eta klaserik gabeko jendartea
 eraikitzea. 

Horregatik, euskal langileok
  independenteki

 eta burgesiaren klase interesen aurka

 antolatu behar dugu
 geure burua."

Gora munduko langileria!

Gora Euskal Iraultza Sozialista,

Euskal Errepublika Sozialistaren bidean!

Jo ta ke, irabazi arte!