Basque peace process? It's the spanish way of life, stupid!

 

Nahikari Otaegi: 

"Aste honetan sartuko naiz kartzelan, 

zazpi hilabeteko alabarekin"

 

Jon Torner Zabala

2013-04-22 

 

Segiko kide izateagatik kondenatutako Nahikari Otaegi gazte donostiarrak bere burua entregatuko du aste honetan. 

Donibane Lohizunen bizi da eta zazpi hilabeteko haurrarekin batera sartuko da espetxean sei urteko zigorra betetzera. Pasa den ostiralean Donostian atxilotu zituzten gazteen talde berekoa da Otaegi. Euskal Irratiek elkarrizketa egin zioten Ertzaintzak bere lagunak atxilotu eta ordu batzuetara.

"Beste egoera batean egongo banintz, ni ere Donostiako Bulebarrean izango nintzateke pasa den ostiralean, baina bi seme-alabarekin... gauzak lasaitasun handiagoarekin hartu nahi nituen", azaldu du Otaegik. "Aste honetan sartuko naiz kartzelan, zazpi hilabeteko alabarekin. Oraindik ez dugu erabaki zehazki zein egunetan aurkeztuko naizen, baina aurki egingo dut. 2009an ni askatzeko gurasoek jarri zuten fidantza gal dezaket epe jakin batean aurkezten ez banaiz. Bien bitartean, frantziar polizia bila ez etortzea espero dut".

Alabarekin aurkezteari buruz galdetuta, "oso gaizki" daramala dio Otaegik. Dena den, "apur bat egoista izanda", umearekin sartzea hobe dela uste du: "Espetxe barruan afektiboki mugaturik zaude, bisitak kristalaren atzealdetik egiten dira, bis a bisak hilean behin izan ditzakezu... zentzu horretan haurrarekin sartzea kristorena da. Bestetik, ordea... Familian lau gara eta semea aitarekin geratuko da, familia erdibituko da". Otaegiren alabak zazpi hilabete ditu, eta 3 urte bete arte egon ahal izango da amarekin.

"Harro sartuko naiz kartzelara"

Aske Guneko esperientziari dagokionez, "historia honetatik atera den gauzarik politena" dela dio Otaegik: "Jendeari aukera eman zaio parte hartzeko eta erantzuna izugarria izan da, oilo-ipurdia jartzen zait gogoratzen dudan bakoitzean. Kontzertuak eman dituzte, hitzaldiak, etxera lagundu gaituzte...".

Azken mobilizazioekin alderatuz zer aldatu den galdetzean, "jendearen inplikazioa" aipatu du Otaegik: "Kroketak ekarri dituen jendea, hitzaldiak eman dituena, Ertzaintzaren jipoia jasotzeko prest egon dena... sarri, auzipetua zu zeu edo zure inguruko norbait ez bada, zure inplikazioa manifestazioan parte hartzera muga liteke, baina oraingoan... Honek guztiak indarra ematen dizu. Harro sartuko naiz kartzelara".

 

Aurore Martinen aldeko mobilizazioak ispilu izan dituen mugimendua horretan ez geratzea espero du gazte donostiarrak. "Gazte ugari dago gure egoera berean, eta ez dut uste horretan geratuko denik. Jendea oso inplikatuta dago, oso haserre. Haserre hori nola bideratu jakitea da giltza".

"Lan politikoa egiteagatik zigortu gaituzte"

"Militantzia politikoa egiteagatik jarri digute seina urteko espetxe zigorra", salatu du gazte donostiarrak: "Abokatuek diote sinesgaitza dela, frogarik ez dagoela, defentsak esandakoa apenas aipatzen dela... baina hau da dagoena".

Otaegi 2007an atxilotu zuten Segikoa izateagatik: "Lan politikoa egiteagatik 26 lagun atxilotu zituzten, eta haietako 18 auzipetu. Nik urte eta erdi eman nuen kartzelan. Gehienak fidantzapean atera ginen 2009an".

Nahikari Otaegik iragarri du

 asteon aurkeztuko duela bere burua espetxean

Zazpi hilabeteko haurrarekin sartuko da espetxean. Auzitegi Gorenak zigortutako Donostiako zortzi gazteetako bat da Otaegi.

Berria.info   2013-04-22 - 11:53:16

Euskal Irratietan egin diote elkarrizketa Otaegiri. 

Bertan iragarri du aste honetan aurkeztuko duela bere burua espetxean. Espainiako epaitegiek zigortutako Donostiako zortzi gazteetako bat da Otaegi, eta, nahiz eta Ertzaintzak iragan ostiralean Aitor Olaizola, Oier Lorente, Adur Fernandez, Egoi Alberdi, Ekaitz Ezkerra eta Mikel Arretxe atxilotu, libre da oraindik Otaegi.

Zazpi hilabeteko haurrarekin sartuko da espetxean, eta 3 urteko beste ume bat ere badu Otaegik. Atzo plazaratu zuten elkarrizketa, eta sare sozialetan oihartzun handia izan zuen haren egoerak.

Bestalde, Aske Guneari elkartasuna adierazteko elkarretaratze bat egin zuten atzo Madrilgo Vallecas auzoan. Bi lagun atxilotu zituen Espainiako Poliziak, eta libre utzi dituzte gaur.

BERRIA 2013-04-21

Oroitz Salegi presoak ez du oraindik 

semea ikusi, 

jaio eta zazpi hilabetera

Duela zazpi hilabete jaio zen Allur, Oroitz Salegi eta Lierni Armendariz euskal presoen semea. Hala ere, Salegik ez du oraindik semea ezagutzen, zazpi hilabetean haurra ikustea galarazi diotelako. Atzo, Donostiako Antigua auzoko elkarte ugarik agerraldia egin zuten, «oinarrizko eskubideen urraketa hori» salatzeko.

1992tik dago preso Salegi. Lierni Armendariz presoarekin ezkonduta dago. Bikotea elkarrekin zegoen Mansillako espetxean (Espainia), baina Armendariz erditzekotan zegoela, Aranjuezko espetxera (Espainia) eraman zuten, kartzela hori bereziki prestaturik baitago horretarako.

Antiguako auzokideek ez dute ulertzen zein den Salegi, Armendariz eta bien semea banaturik egoteko arrazoia, kontuan hartuta semea jaio arte bikotea elkarrekin egon dela kartzela berean inolako arazorik gabe. 

 
 

2013-04-22

Bigarren Ibarra presoaren senideek jasan dute sakabanaketak aurten eragindako hirugarren istripua.

Apirilaren 20an, larunbatean, Bigarren Ibarra preso bilbotarraren alabak eta anaiak istripua izan zuten eguerdian. 

Gasteizen, Lopidanan beste auto bati pasatzen utzi behar zioten lekuan, auto bat kolpatu zuten. Ibarraren anaia ondo dago, bainan, alabak mina hartu zuen gerrikoarekin eta toraxeko traumatismoa du. Bisitara zihoazela izan zuten istripua. 

Bigarren Ibarra Monterroson (Lugon) dago preso. Azkenean, zorionez bere senideek Monterrosora iritsi eta bisita egin ahal izan zuten.

Honakoa sakabanaketak 2013. urtean eragin duen hirugarren istripua izan da, eta istripu hauek 7 senide eta lagunek jasan dituzte. 

Sakabanaketa martxan jarri zenetik 16 senide eta lagunek galdu dute bizia errepideetan. 

Istripu eta heriotza hauek sakabanaketaren ondorio zuzenetako bat dira. Horregatik, bada garaia sakabanaketarekin amaitu eta euskal preso politikoak Euskal Herrira ekartzeko. Eta ez soilik euren eskubidea delako, baita gure eskubidea delako ere!

Ertzaintzak 

ARGIAko kide bati emandako tratua

 gaitzetsi du

 Euskal Kazetarien Elkarteak

ARGIA

2013-04-22

Euskal Kazetarien Elkarteak (EKE) agiria plazaratu du, pasa den ostiralean Donostiako Bulebarrean ertzainek Lander Arbelaitz ARGIAko kazetariari eraso egin izanaren inguruan.

  Apirilaren 19an, ostirala, Donostian izandako kontzentrazio batean, Ertzaintzako hainbat kidek Lander Arbelaitz Argiako kazetariaren kontra egin zuten honek bere burua kazetari moduan identifikatu arren. Argitalpenak helarazitako bideoan ikus daitekeenez, agenteek lurrera botatzen dute eta, nahiz eta kazetaria dela oihukatzen duen, kolpeka eta bultzadaka eramaten dute beste komunikabideetako kideak zeuden musika kiosko bateraino.

EKEk, lehen-lehenik, erasoak jasan dituen kideari bere elkartasuna erakutsi nahi dio; eta, bigarrenik, bere sumintzea eta kezka adierazi nahi du euskal poliziak izandako jokabideagatik, kazetariak bere akreditazioa erakusten baitu, eta begi-bistan dago, grabatzen ari den tramankuluarekin batera.

Prentsa profesionalentzako gune bat mugatzearen erabakiari dagokionez, EKEk gogoratzen du, bai Eusko Jaurlaritzako Segurtasun Sailari eta baita gizarteari orokorrean, honelako erabaki bat soilik justifikatuta dagoela kazetariek poliziaren lana ez eragozteko edota beraien burua arriskuan ez jartzeko. Baldintza hauek nekez ematen dira kontzentrazio baketsuetan.

Ez da lekuko deserosorik saihestu behar kamarak eta erreportariak poliziaren parte-hartze tokietatik urrunduz. Gizarte demokratiko batean, kazetariek askatasun osoz mugitzeko eskubidea izan behar dute herritartasunaren informazioren eskubidea bermatu ahal izateko.

Euskal Herrian, 2013ko apirilaren 22an.

EKE Euskal Herriko erakunde profesionalik garrantzitsuena da eta Espainiako Kazietarien Elkarteen Federazioan (FAPE) barneratuta dago. Federazio honek kazetariak identifikatzen dituzten txalekoak ditu, hauen helburua, honelako ekintzak ekiditea delarik.

 

Zer erraten ahal dut nik? Bihotza urraturik dudala, lehen-lehenik. Eta bigarrenik, munduko ergelik itsuenak ere ikusten duela hemen ez dagoela ez bake prozesurik, ez ostiarik, aldebakartasunez eta urratsez urrats egiten ari den amore emate eta errendizio lotsagarri bat baizik. 

Politikero profesional batzuk maisuki gidatu duten prozesu likidazionista ahalkegarria, Bergarako besarkada, Santoñako traizioa, biak batera... Oraingo Ezker Abertzaleko aparato profesionala aski kontent da, instituzio guztietan goxo-goxo, bainan Euskal Herri Langilea? 

Aurreko greban pikete batean parte hartzeagatik lau urte t'erdiko espetxea eskatzen dute bortz langilerendako. Eta hor ez dago ETArik, ez borroka armaturik, ez kale borrokarik, ez kristorik... Hor dagoena da Burgesia espainolista eta neofrankistaren diktadura terrorista, bertzerik ez... 

Barkatu! Batzuk oraindik aipatzen baitute "déficit democrático" omen dagoela... 

Klase sozial zapaltzaile eta genozida baten diktadura odoltsu eta inperialista, hori da "Espainiako Erresuma" deitzen den hori. Euskal Herri Langilearen beso armatua zen ETA. Erakunde horrek borroka armatua behin betikotz utzi zuen duela laster bi urte. Egoera hobetu da? Norendako? Langileendako? Presoendako? Presoen senideendako? Hipotekak dituztenendako? Langabetuendako? Euskararendako? Borrokan ari diren gazteendako? Ikasleendako? Prekaritatean ari diren beharginendako? Paperik gabeko etorkinendako? ERE bat jasaten duten langileendako? Murrizketak pairatzen dituzten ikasle eta irakasleendako? Osasungintzako langileendako? Langabezia saria kobratzen ez duten langabetuendako? Miserian eta GOSEZ EUSKAL HERRIAN BERTAN diren haurrendako?

Oligarkia espainola eta frantsesa, bitartean, gutaz irri eta pixa ahorat...

Eta burgesia baskoak, bere zakurrak igortzen dizkigu, txintxo-txintxo, 1936an Bizkaiko Labe Garaiak nazientzat txukun-txukun gorde izan zituen bezala, ertzainen bidez... 

Nihil novum sub sole...

Imanol Murua kazetari zorrotzak honi guztiari "pedagogia demokratikoa" erraten dio... 

Nago euskal langile askok ez ote diren lezioa ederki ikasten ari... geroak erranen...

AURRERA

 EUSKAL GAZTERIA IRAULTZAILEA!!!

PNV,

ZIPAIO BASKOAK,

BURGES ZAPALTZAILEAK,

NEOFRANKISTEN MORROIAK,

EUSKAL HERRI LANGILEAREN ETSAIAK!

BORROKA DA 

BIDE BAKARRA!!!

EUSKAL IRAULTZA SOZIALISTA 

DA IRTENBIDE BAKARRA!!!

GORA

EUSKAL

ERREPUBLIKA 

SOZIALISTA!!!

JO TA KE IRABAZI ARTE!!!

EZ ETSI,
EUTSI,
AIZKORAK HARTU,
MENDITIK JAUTSI,
ETSAIAREN GAINERAT JAUZI, 
 JAUSI,
ETA
 HAUTSI!!!