LEHEN ORRIALDEA

Euskal Iraultza Sozialistaren bidean...



Aupa denok! Ongi etorri!

Blog honen helburua Euskal Iraultza Sozialistaz gogoeta eta eztabaida egitea da.
Karl Marx militante komunista iraultzailearen esaldi maiteen bidean kokatzen gara:
"De omnibus dubitandum" : "Guztia zalantzan jarri"
"Nihil humanum a me alienum puto": "Humanoa den ezer, ez dut arrotzat jotzen".

Iritzi eta gogoeta guztiak, ados egon ala ez, ongi etorriak dira, adimen kolektiboa eztabaidatuz eraikitzen baita.
Baldintza bakarra: irainak eta zakarkeriak ez erabiltzea, eta eztabaida datuz eta dataz, arrazoiz zein argudioz egitea, jendetasunez eta adeitasunez.
Oroz gainetik, geure egiten dugu XVI. mendeko komunista iraultzaileen oihua:

OMNIA SUNT COMMUNIA!!!

2012/08/20

Hilabete egin dugu bidean ...







HILABETE EGIN DUGU BIDEAN ...


Uztailaren 19an abiatu genuen blog hau, bi data gogoan genituela.  Bata, 1936ko uztailaren 19a, Estatu Espainoleko Herri Langileek, Fronte Popularreko gobernu burges kriminalak ukatzen zizkietèn armak Ejertzito faxistaren kasernak heroikoki asaltatuz eskuratu zituztenean. Egun berean lehertu zen Iraultza Soziala eta hondoratu zen Espainiako II. Errepublika burgesa. Hiru urtez, Herri Langileek ez bakarrik Faxismo frankistaren aurka, baizik eta Estatu Burgesa(k) eta Kapitalaren diktadura(k) ere, haien kontra, armak eskutan borroka egin zuten. Agur eta ohore zuei, 1934 eta 1936-39ko iraultzaileei! Biba zuek! 


Bigarren data tristeagoa da eta hasieran ez genuen aipatu. 1522ko uztailaren 19an erori zen espainolista inperialisten eskutan Amaiurko gaztelua. Euskal estatu feudala, Nafarroa, alegia, bere argi-itzal eta kontraesan guztiekin, Estatu inperialista eta protokapitalisten erasopean jausi zen: Espainia eta Frantzia, Herri Langileen presondegiak. Euskal Herri Langileak aunitz galdu zuen Estatu feudal horrekin, bainan ondoren esplotatzaile arrotzek ekarri zutèn zapalkuntza are latzagoa izan zen maila guztietan. Agur eta ohore zuei, 1522ko gudariei, eta bereziki Nafarroako independentzia armak eskutan defenditu zenutèn nekazari, artzain, abeltzain, langile guztiei!  


Hilabete egin dugu bidean, 3.000 bisita inguru. Pozik eta kontent gara. Saiatu gara gai eta alor aunitz jorratzen: Teoria Iraultzailea (Marx, Lenin eta CHE, momentuz), Euskal Herria eta Euskal Langileria, Irlanda, Poesia gorria, Siria, LABen aurkeztutako Ponentzia alternatiboa, bertze web-orrietan piztutako eztabaidak: “Borroka garaia da!” eta “Lapiko Kritikoa” ...

Gure helburua, blog hau ekimen kolektibo bilakatzea, alegia, erdiesteko bidean gara, zenbait burkide marxista-leninistak interesa agertu duelakotz. Segur aski, irailetik aitzina blogaren zuzendaritza taldea sortuko da, ekarpenak, iruzkinak eta eztabaidak aberastu eta kudeatzeko.




Lagunok eta burkideok! Blog honek iraultzaile euskaldun guztion bilgunea izan nahiko luke, euskaldun iraultzaile guztion biltokia. Helburu hori erdiestea zuen eskutan dago. Parte hartu, kritikatu, proposatu, ekarpenak egin ... 


GORA EUSKAL IRAULTZA SOZIALISTA!

GORA EUSKAL ERREPUBLIKA SOZIALISTA!

JOTAKE IRABAZI ARTE!


     

3 iruzkin:

  1. Kaixo

    Estaría bien que pusieras una dirección de contacto para mandarte propuestas.

    Aio!

    ErantzunEzabatu
  2. Aupa! Kaixo euskal herriko marxista-leninista guztioi.

    Asko pozten naiz behingoz blog komunista bat euskaraz ikusita. Ahalegin eta aportazio guztiak egingo ditut blog hau hobetzeko eta burkideen artean hitz eginez eta kritikatuz euskal herriko egoera eta sozialismoari buruz orokorrean gehiago jakin eta jendeari erakusteko.

    Agur bero bat guztioi, iraultza sozialista ala hil!

    ErantzunEzabatu
  3. Aupa, egia erraten badizut, ez dakit nola egiten den! LABeko lagun xiberotar baten iruzkinak ezabatu ditut ene helbide eletronikoa hemen ezarri nahian! Pentsa nolakoa desastrea naizen! Analfabetoa naiz informatikan! Mesedz, zuk baldin badakizu nola egiten den, lagundu niri, faborez!

    Dena den, hona hemen posta elektronikoa: euskaliraultzasozialista@gmail.com

    Zure proposamen guztiak ongi etorriak izanen dira!

    ErantzunEzabatu