Maiatzaren lehenaren harira
sortu zuten
‘Ezkerraldeko Gazte Komite Iraultzailea’rekin
jarraituko dute
2013 Maiatzak 3
Ezkerraldeko herrietako hainbat gazte taldek
Gazte Komitea sortu zuten Maiatzaren 1erako, gazteriak jasaten duen
egoera salatzeko asmoz.
Eskualdeko eragile sozialek Sestaon deituriko
martxan parte hartu zuten Gazte Bloke bezala. Manifestazioaren ostean
asanblada ireki bat gauzatu zuten, non 40 gazte inguruk hiru ardatz
nagusiren inguruan eztabaidatu zuten.
Lehenik Komitearen sorreratik
orain arteko ibilbideaz mintzatu ziren, bigarren puntua eduki beharko
lukeen jarraipena eztabaidatzea izan zen eta azkenik ‘Langileen Eguna‘ borroka eguna bezala ulertzen dutenez arratsaldean egin beharreko ekimenez hitz egin zuten.
Asanbladan argi geratu zen dinamika horrekin jarraitzeko asmoa
dutela, “iniziatiba honi ahalik eta forma txukunena emateko eta
eraginkorra izateko”.
Egunari amaiera emateko eta bertan elkartu ziren
gazteen gogoa ikusita hainbat ekimen egin zituzten. “Gure
prekarietatearen eta gizartea sufritzen ari den egoera lazgarri honen
erantzuleak seinalatzea erabaki zen”; Barakaldon eta Santurtzin BBKren
egoitzak eta Portugaleten Instituto Nacional de Seguridad Social.
iruzkinik ez:
Argitaratu iruzkina